Dr Sanjay Dhole
अंतराळ शास्त्रासोबत किरण, भौतिकशास्त्र, अणुशास्त्र, पदार्थविज्ञान तसेच वनस्पती शास्त्रांसारखे विषय या कथामध्ये हाताळले आहेत.
मुलभूत, आधुनिक, सैद्धांतिक तसेच क्लिष्ट विज्ञान जर का तळागाळातल्या लोकांपर्यंत पोहोचवायचं असेल तर विज्ञान कथा हे एक प्रभावी माध्यम आहे असे मानणा-या डॉ. संजय ढोले यांचा हा विज्ञान कथासंग्रह. त्यांच्या विज्ञान कथा वाचताना वाचक हा कथेच्या परमोच्च बिंदूवर आरुढ तर होतोच होतो, पण त्याच्या सोबतच त्याचं वैज्ञानिक प्रबोधनही होतं.
विज्ञानकथा या मनोरंजनासोबतच सामाजिक प्रबोधनासाठीही लिहिल्या गेल्या पाहिजेत, असे मानणा-या डॉ. संजय ढोले यांचा हा कथासंग्रह निश्चितच वाचकांची बौद्धिक पूर्तता करेल.
विज्ञानकथेत विविधांगी विषय हाताळलेले असून, एखादं विज्ञान, प्रयोग किंवा त्यांचे निष्कर्ष मानवाच्या जेवढ्या भल्यासाठी वापरता येऊ शकतात; तेवढाच त्या विनाशालाही कारणीभूत ठरू शकतात.